وحشتني البنت الحلوة ام الضفاير
ام شعر حرير ف الهوا طاير
وضحكة تملى الدنيا بشاير
ام قلب ابيض جميل ف الدنيا حاير
وحشتني البنت الحلوة ام الضفاير
ام فستان ابيض ستان شبه فساتين العرايس
وحشتنى اوى وحشتني خالص
سألت عنها ف كل مكان
ملقتش ليها عنوان
وسهرت طول الليل مستني قمرها يطل ويبان
سألته عنها قام ادارى مني
معرفش ليه كان بيهرب مني
وطال الليل وانا مستني
يرجع وعليها يطمني
وطال الليل وانا مستني
يرجع وعليها يطمني
رجع وقالي
شكلك حزين زيي وحاير
البنت الحلوة ام الضفاير
حطوا بينى وبنها ستاير
وفكولها الضافير لابقيت اشوفها ولا المح طيفها
ومنعوها تشوفنى تانى
روح نام ومتتعبش حالك
منا اهو سهران طول الليالى
لابتيجى ولابتبعت مع النجوم رسايل
حالك زى حالى
وحشانى اوى البنت الحلوة ام الضفاير
lobna ghanem
13 comments:
حلوة قوي الخاطرة دي
ياترى المقصود بيها هو الي في دماغي ولا ايه بالظبط
ماشاء الله عليكي فنانة بجد والله
مودتي
هاروح انام ومتعبش حالى
بوست جميل ... كالعادة
.........
والسـ ختام ــلام
العوده لايام الطفوله دى شئ جميل
ما اجمل الذكريات الجميله
وما اجمل كلماتك
وابسطها
كاتب مصري
اهلا بيك
بس انا معرفش ايه الى ف بالك عشان اعرف ان كان صح ولا غلط
تحياتى
محمد ممدوح
طيب يا محمد
تصبح على خير
محمد هشام
ميرسي يا محمد
رومانسي
ميرسي ليك
بس هى مش بتحكى عن الطفوله اوى
ليه اختك الصغننة
وش بيرخم
مش فاهمه
الكومنت بتاعك
ايه الكلام ده ما شاء الله ربنا يكرمك ويزود موهبتك حاجه روعه فعلا
وشكرا على السؤالبس انا الايام دى ملخوم أوووى اوى ففعلا مافيش وقت حتى اعدى على المدونه انا لسه شايف كومينتك النهارده بس قريب ان شاء الله حكتب حاجه جديده
محمد الحداد
ميرسي ليك
بتشكرنى على اي بس احنا زمايل في التدوين
ربنا معاك
ميرسي لمرورك
كان نفسى اكون بعرف اكتب شعر كده زيك
الكلام اللى انتى كتبتيه هنا حساه نفسه يطلع منى
ههههههههه
شبهى اوى انتى هل لانك برج السرطان زى ولا ايه ؟؟
بس انتى اجمل حبيبتى
مدونتك حلوة وبسيطة اوى
ربنا يحققلك كل اللى بتتمنيه ويرزقك بالفرح والسعادة اللهم امييييييييييين
Post a Comment