- هو انت ليه رجعت تاني بعد
الغيبة دي؟
- ومين قالك اني غايب؟
- ما انت بعيد من زمان
-انا عمري ما كنت بعيد انتي ال
ديما شيفاني بعيد
انا موجود حواليكي بس انتي اللي
مش واخده بالك
- تقصد ايه ؟
- اقصد ان انا شايفك وحاسس
بيكي بدليل رجعت اسأل عليكي
- وتسأل عليا ليه انا لو مكانك
مكلمنيش خالص :(
- عشان حسيت انك تعبانه مش انتي
تعبانه برضه؟
- وانت عرفت ازاي؟
- منا قولتلك اني مش بعيد وانك
مش واخده بالك من وجودي
- بس انا مش تعبانه انا كويسة
جدا
- كدابة
- انا مبكدبش
- لا بتكدبي عشان تهربي مني زي
ما هربتي زمان
- انت عايز ايه دلوقت؟
- عايزك مبسوطة وفرحانة زي اول
مرة شوفتك فيها :)
فاكره زمان لما قولتلك إن لقانا قدر؟! اديني يا ستي رجعت تاني
بناء على رغبات القدر
- القدر؟!!!!!!!!!!!! انت قدري
؟!!!
- بيتهيألي كده
- بس انا بيتهيألي إن قدري مع
حد تاني
- مفيش حد تاني في أنا وبس
- يا سلاااااام مُنجم حضرتك !
- لاء كل الحكاية اني شوفتك في الحلم بتنادي عليا انا واديني
جتلك
- انت خيالي أوي
- خيالي عشان بحبك ولا عشان بحلم بيكي ولا عشان
ديما جوايا احساس انك مكتوبالي انا بس؟!
- عشان كل حاجة
- زمان كنتي بتقولي الواحد مينفعش
يعيش من غير من خيال .. واديني اهو بحاول أعيش
- امممم بتحاول تعيش ولا بتحاول توهم نفسك اني
بحبك؟!
- انا مبوهمش نفسي أنا عارف انك
هتحبيني زي منا بحبك لو مش مصدقاني غمضي
عيونك واسألي قلبك
- وان قالي لاء هتصدق ؟
- انا واثق انه عمره ما هيقول
لاء عشان هو اللي نداني من غير ماتخدي
بالك
- مغرور
- طب جربي
- هجرب بس عشان اثبتلك انك
موهوم
- لاء انتي هتجربي عشان تحاولي
تثبتي لنفسك انك مبتحبنيش وتهربي زي زمان بس انا واثق المرة دي انك هتصدقي قلبك
- هنشوف