ارسملي بيت ميكونش بيت زي البيوت كده والسلام
أنا عايزة بيت أربع حيطان من حب خام
نملاه حنين وحنان وروح
نملاه دفا ود وآمان
أنا عايزة بيت تبقى أنت فيه البيت
عشان لو خوفت من بكره اتسند على كف ايدك
وامشي بيه وانسى اللي فات من عمري كل وابتدي
ارسملي حلم مش شرط يبقى بنجمة أبعد مننا
أنا عايزة حلم أحققه وياك عشان شيفاك هنا
كل الحاجات المستحيلة بقت خلاص ممكنه
طول ما انت جنبي مش بعيد
اديني وقت الضعف ايد واديني حضنك لو بكيت
انت اللي بيك أنا ماشية تايهه بدون ما أخاف
ما أنت الحبيب وأنت الصديق
في ناس تتوه علشان بتعرف رايحة فين
وناس بتوصل لما بتوه في الطريق
https://soundcloud.com/salmasabahy/xppph3mtjvxv
