Friday, February 22, 2008




الساعة الآن الثانية عشرة منتصف الليل والحبيبة تتصل بحبيبها
ترن ترن ترن
الحبيبة :- الو
الحبيب :- الو مين
الحبيبة :- ايه يا حبيي انت مش شايف اسمي على الموبايل ولا سامع رنتي الي بتحبها
الحبيب :- اسم ايه ورنه مين هيا الساعة كام دلوقتى
الحبيبة :- الساعة 12 يا حبي هاب فلانتين داي
الحبيب :- فلانتين مين أنتى بتحبى واحد غيرى وكمان بتقولى أسمه قدامى
الحبيبة :- يا حبيبي الفلانتين عيد الحب يا احمد نسيتة
الحبيب :- عيد الحب اه اه طيب وده بيعملوا فيه أيه معلش أنتى عارفة اول مرة أحب
الحبيبة :- بيقولو لبعض هابي فلانتين داي وبيجبيوا دابديب وورد انا جبتلك دبدوب يجنن ياترى جبتلي اية
الحبيب :- بجد متشكر جدا ليكى يا حبيبتى وكمان جبتيلى دبدوب انا جبت 00000 تك تك الو الو حبيبتى انتى معايا 000 هو فيه ايه مش سامع حاجة طيب هقفل واشوف الموبايل ماله
الحبيبة :- ممممممممممممممممم تررررررررررررررررن الوووووووووووووووووووو
الحبيب :- الو ايه يا حبيتى معلش الموبايل فصل شحن
الحبيبة :- معلش يا حبيبي ولا يهمك كنا بنقول اية
الحبيب :- يوه حاضر حاضر معلش يا حبيبتى ماما بتندهلى وبتقولى بتكلم مين دلوقتى هضر اقفل مش عايزة حاجة
الحبيبة :- فى سرها يا دي الحظ المنيل انا كنت ناقصة امة .......... لالا يا حبي عاوزة سلامتك هكلمك الصبح
الحبيب :- حاضر يا حبيبتى سلام تصبحى على كل خير وهو يقول فى سره الحمد لله خلعت من الهدية
الصبح فى الجامعة
الحبيبة :- صباح الخير يا احمد كل سنة وانت طيب
الحبيب :- صباح النور وانتى طيبة يا حبيبتى هو النهاردة عيد ولا ايه
الحبيبة :- يا احمد النهاردة الفلانتين امال كنت بكلمك امبارح لية جيبالك النهاردة الدبدوب لية
الحبيب :- حببيتى اسكتى مش انا بعد ما قفلت معاكى امبارح حسيت كده بشويه تعب ودوخة وندهت ماما وجت قعدت معايا وشوية وحرارتى ارتفعت وماما طول الليل تعملى كمادات دى كانت ليلة رهيبة
الحبيبة :- يا حبيبي الف سلامة عليك انت كويس مش مهم الفلانتين المهم انت
الحبيب :- اه الحمد لله بقيت احسن انا جيت بس علشان اشوفك اه اه مش عارف حاسس بصداع رهيب أنا لازم أروح أنتى قلتى الدبدوب ده بتاعى
الحبيبة :- ايوة يا حبيبي كل سنة وانت طيب
الحبيب :- وانتى طيبة يا حبيبتى معلش لازم امشى بقى مش عاوزة حاجة منى وهابى فلانتين داى
الحبيبة :- لا يا حبيبي خلي بالك من نفسك عشان خاطري وهكلمك اما تروح اطمن عليك
الحبيب :- ماشى يا حبيتى بس حلو قوى الدبدوب ده شكرا يا حبيبتى 0000000 فى سره حلو قوى الفلانتين ده اهو طلعت منه بحاجة وكويس خلعت منها علشان الهدية
خلصوا جامعة والبنت عايزة تتجوز وصاحبنا عاوز يخلع
الحبيبة :- تررررررررررررن
الحبيب :-
الو ايوة يا حبيبتى
الحبيبة :- اية يا حبيبي بقالك شهر من يوم ما اخدنا الاجازة مكلمتنيش انا زعلتك في حاجة
الحبيب :- لا يا حبيبتى بس انتى عارفة بقى بخلص ورقى وبدور على شغل اسكتى مش احتمال ادخل الجيش
وهفضل فيه يجى ثلاث سنين
الحبيبة :-
تلت سنين
الحبيب :- ايوة تخيلى
الحبيبة :- في سرها يالهوي هستني 3 سنين كمان
أزاي يا حبيبي في جيش 3 سنين
الحبيب :- هعمل ايه بس ادعيلى ما ياخدونيش
الحبيبة :- يارب يخدهم
الحبيب :- يارب يارب ادعى انتى بس وربنا يسهل
الحبيبة :- بدعيلك يا حبيبي
الحبيب :- تاكدى يا حبيتى ان حبنا هيفضل مستمر مهما حصل
الحبيبة :- وانا هفضل جمبك وهرفض كل العرسان الي بيتقدمولي عشانك يا احمد انا عمري ما هكون لغيرك
الحبيب :- يا حبيبتى انا مش عايز اضرك ولا اضيع مستقبلك لو جالك واحد كويس اقبلى وحبنا برضة مش هيموت
الحبيبة :- اية يا احمد بتقول اية
الحبيب :- اعمل ايه بس ما انا حتى لو ما دخلتش الجيش لازم اهاجر كام سنه علشان اكون نفسى يعنى هعمل ايه ومش عايزك بجد تتبهدلى معايا لو جتلك فرصة كويسة امسكى فيها
الحبيبة :- أنا بحبك انت ومش هتجوز غيرك انت عارفة انت بتقول كدة عشان خايف عليا عاوز تضحي عشاني بس انا هفضل جمبك ومش هسيبك
الحبيب :- بيقول في سرة اية البت اللزقة دي بزحلقها مبتتزحلقش
يا حبيتى انا مش عايز اضيع مستقبلك وانا لسة قدامى كتير
هياخد تاجيل من الجيش وهيشتغل
الحبيبة :- احمد انت الحمد لله خدت تاجيل وربنا كرمك واشتغلت وبقالنا 5 سنين بنحب بعض مش هتيجي تخطبني بقى
الحبيب :- حبيبيتي بعشقك بجنون وعمري في هواكي يهون اروح معاكي اي مكان ما عدا مكتب الماذون


وكان هذا الحوار من تأليفىبسمه عبد الباسط صاحبه مدونة الروح وصديقتى لبنى غانم فكنا نقيم الحوار ونقول ما يحدث فعلا وما نشاهده ونسمعه كثيرا من حكايات الناس والشباب و الحوار بقدر ما هو مضحك وساذج فهم يعبر فعلا عن فئة من الشباب التى تستهتر بكل شىء وليس عندها شىء أسمه مسؤولية ونحن لا نتهم الشباب فقط فيوجد فئة من البنات أيضا تفعل مثل ما فعله هذا الشاب فى الحوار فهذه الفئة موجودة فى الشباب والفتيات ولا أعلم لماذا كل هذا الأستهتار واللعب بالمشاعر الذى لا يوجد له نهاية ولا مبرر واضح 0
الآن عند خروج أى شخص الى الشارع ووصوله الى أى كلية أو جامعة قريبة منه لم تشاهد شاب أو فتاه وكلا منهم يسير بمفرده سوف ترى شاب وبنت وهكذا وقليلا ما تجد بنات بمفردهم أو شباب بمفردهم أو تجمعات من الجنسين ولكن الذى يحدث لا هو حب ولا مشاعر ولا أى شىء لكنه تضييع وقت وتسلية وفراغ كبير يقضونه الشباب فى هذا العبث بغض النظر عن أذا كانت البنت هى التى تتسلى أو الشاب فالأثنان أصبح عندهم نفس الشعور باللامبالاه الواضح فى كل تصرفاتهم 0

بالاضافة الى كلام بسمه ان ما يظلم في هذه اللعبه هي البنت والولد دائما هو الرابح المستفيد يتباهى بها أمام الجميع ليثبت أنة كازنوفا عصرة وزمانة ومفيش بنت تاخد في ايدة غلوة كما يقولون فمعظم الشباب يستغلون طيبة البنات ورقة مشاعرويوهموهن بالحب ويجعلهن يغرقون في أحلامهن الوردية ولا تعلم الفتاه انها احلام وهمية وان هناك جرح ينتظرها فاسهل ما يقوله الولد في بدايه العلاقة احبك واسهل مايقوله عند انهاء العلاقة انسيني مش هقدر اتقدملك
طبعا البنت هتصدم صدمه عمرها ومش بعيد تنتحر اذا مكنتش انسانه قويه وهو ولا هامه حاجه هيدور على غيرها يتسلى بيها شويه اصل الحب اليومين دول بقى زي اللب تسالى يعنى تقول الواحد انت بتحبها يقول بحبها ايه ياعم بسلى وقتى ياما هيروح يطب واحده غيرها

وطبعا ده مش حكم مطلق على الحب في كده وفي حب بجد حب حقيقي يدوم للابد
تمنياتى للجميع بحب دائم للابد

Wednesday, February 13, 2008

هابي فلانتين داي








احساس جميل انك تحب وتتحب




من صديق من حبيب من قريب




المهم انك تحب




والنهارده في يوم الحب




تعالوا كلنا نحب بعض بصوت عالى




نحب بعض بصوت عالي
*****************




حبيبي كل يوم بيفوت بحس كانى من غيرك اموت



حبيبي كل يوم بيفوت بحس بانى محتاجلك



مووووووووووووووت



**********
قولى بحبااااااااااااااااااااااك


بصوت عالى


قولى بحبك


يا حبيبي يا غالى


ما اروع هذا الشعور الذي يقتحم قلبك فجاءة بدون اسباب او مقدمات لياخذك من عالمك الى عالم اخر لاترى فيه سوى حبيبك
احساس ياسر قلبك يحاصرة ويرفض ان يرفع عنه الحصار وانت مستمتع باسرك
احساس يملىء قلبك بالدفىء في عز البرد يعنى مش هتحتاج تشرب كابيتشينوا
هابي فالانتين داي على كل الناس ويارب ديما في حب وسعاده
I LOVE CAPITCHINO