لما بقابلك بنسى كلامي
وبدور علية
كدة معرفش لية
ليلة في ليلة وانا متنهدة
من غير ما حسب حبيتك كدة
قلبي لقيتة دق حب الحب دة
من كتر حبي فيك
بسرح قدام عنيك
مبفتكرش كلمة واحدة كان نفسي اقولها ليك
يالي كلامك احلى من كلام
قلبي ارتاحلك من اول سلام
وغرامك غرام فاق معنى الغرام
انا مش قادرة على بعدك في يوم
واما بتبعد انا مبدقش نوم
ايوة هموت عليك عايشة الدنيا بيك
من كتر حبي فيك بسرح قدام عنيك
مبفتكرش كلمة واحدة كان نفسي اقولها ليك
21 comments:
اول بوست عندك هييييييييييه
لولا كتير باعتقد ان الحب اتخلق عشانك
أنتى احلى من الحب نفسه
جميلة حبيبة قلبي
ميرسي ياقمر على كلامك الحلو دة
وربنا يخليكي ليا
انتى عندك ملكة التأليف وكتابه الشعر او الزجل
بس محتاجه انك تطورى نفسك اكتر
لأن الأوزان عندك عايزه تتظبط شويه
انا اقولك تعملى ايه
أولا تقرى شعر عامى لو انتى عايزه تكتبى علطول عامى
تقرى منه كتير
وتكتبى اكتر
وكل ما هتكتبى وهتقرى هتلاقى الأوزان اتظبطت اكتر لوحدها
تحياتى
ياسر سليم:ميرسي يا ياسر على نصيحتك ونورت المدونة
رقيقة اوى
هو ده بقى اللى اسمه ايه اللى بيخلى الواحد يعد النجوم فى عز الضهر
ماشى يا جميل .. الله يسهله
عارف احساسك جميل اوى
ولما بتختارى بتختارى صح جدا
تحياتى
ليكى
باربي جيرل:ميرسي ياقمر على زيارتك
صوت الحب : ايوة دة هو الي اسمة اية الي بيخلي الواحد يعد النجوم في عز الضهر وطول الليل
اجدع واحد في الشارع:ميرسي يا باسم على المجاملة الرقيقة دي
حللللو اووووى , مالك رقيقة بغباء كدة ليه , اسلوبك حلو اوى
جميلة قوى كلماتك
تحياتى لكى
السلام عليكم ورحمة الله وبركاته
لولا:
كلماتك جميلة .. وإحساسك أجمل
تحياتى
السلام عليكم ورحمة الله وبركاته
كلامك جميل وفى احساس حلو
زى الهوا:ميرسي يا جميلة
بوس بوس:ميرسي ليكي
اسلام:نورت بزيارتك المدونة
وميرسي ليك
وعد العيون:ميرسي بس دة مش كلامي دي كلمات اغنية احلى من الكلام لمي كساب بس انا بحبها اوي
انتى بجد رائعه
والله عايشتينى فى حاله رومانسيه جميله
انتى بجد مبدعه
وانا قريت معظم كتاباتك
وعرفت منها اد ايه انتى فنانه
وانا يشرفنى بجد انى ازور مدونتك
وفى النهايه سلامى وربنا يوفقك
الساحر:ميرسي ليك يا خالد بس انا مش قد الكلام الجامد دة والفنان بجد هوانت انت كتابتك فوق الوصف
وانا الي يشرفني زيارتك لمدونتي المتواضعة
لولا الكلمات دى بتاعتك ؟؟؟؟؟
كلمات جميلة حقيقى
شكلك بتحب يا مرسى
؟؟؟؟؟
يارب دايما
وقولى متخافيش
عادى بقة
أودى
منور يااودي بس الكلمات دي مش كلماتي دي كلمات اغنية لمي كساب
لولا بجد كلامك ده جميل اوى ويارب تكونى كدة دايما
انتى بجد اتخلقتى عشان تكتبيلنا الحجات الحلوة دى
تحياتى لاجمل بنوته على وجه الارض
ايه المدونة اللي كلها رومانسية دي؟
ماشي يا ست لولا
ربنا ينولك اللي في بالك
وبركة نشوف
:)
طهقان :ميرسي على زيارتك ونورت المدونة
علاء: ان شاء الله هشوف موضوع التجمع دة
Very Good Job Lola
Post a Comment