الفراق



لما تحب حد وهويبقى كل حياتك
لما تحب حياتك ودنيتك عشانه
لما تتغير على اديه وتبقى عاوز تعمل اي حاجه عشان ترضيه
لما تبقى مش شايف في الدنيا غيره
لما تكون زعلان وهو يكون اول حد تروحله تشكيله همك
واما تكون فرحان وبسرعة تروحله عشان يشارك فرحك
لما تكون عندك هموم الدنيا ومحتاج حضن يضمك وتلاقيه هو حضنك
لما تياس من حياتك وهو يبقى املك
وفجاءة يجي الفراق ويصحيك من حلمك
ويقولك لازم تفوق من وهمك
وانت قاوم لاخر نفس وتقول للفراق لاء مستحيل
هعيش لمين بعده وهو ازاي هيعيش بعدي
وتفضل تصرخ ويفضل قلبك ينزف وعينك تبكي على فراقه
لكن الفراق لايسمع لصراخك ولايشعر بنزيفك ولايجفف دمعك
فقط يكون لك ذكرى تؤلمك
فالفراق قدر حكم عليك
وعليك ان ترضى بحكم القدر
*******************
كفياك يا فراق فراق
كفياك تفرق في قلوب العشاق
كفياك يا فراق فراق
قلبي لحبيبي كل ليلة بيشتاق
كفياك يا فراق فراق
هتموتني الاشواق
كفياك يا فراق فراق
دا من مرار البعد قلبي ياما داق
كفياك يا فراق فراق
دا من يوم بعده لاقلبي نسيه ولا من وهم رجوعه فاق
كفياك يا فراق فراق
كفياك تفرق في قلوب العشاق


كلام كتبتة
لولا

58 التعليقات :

no chance said...

لكن الفراق لايسمع لصراخك ولايشعر بنزيفك ولايجفف دمعك
فقط يكون لك ذكرى تؤلمك
فالفراق قدر حكم عليك
وعليك ان ترضى بحكم القدر
تمام هو دة الفراق
مش بيرحم حد ولازم تقاومى احزانك هتعملى اى ؟
هتنهى الحياة ؟
لا طبعا
هى كدة الحياة اوقاتها الحلوة بتخلص بسرعة اوى
ولحظة الفراق دى لحظة عظيمةاوى
لما تقولى لحد باى باى
او اشوف وشك بخير
هو مجرد كلام بس بيكون بقوة الخنجر اللى بدخل القلب خصوصا لو الحد دة بتحبيه اوى زى مقولتى
بعدها القلب يفضل ينزف لحد يخلص نزيف
واحنا كمان ننزف معاه
موضوعك جامد اوى



تحياتى

Mask said...

لكل شيئ نهايه
ونهاية الحب اما قصة ارتباط حقيقي مثمره
او فراق مر مؤلم

فعلينا ان نختار بعنايه من نحب حتى نحصل على نهاية سعيده

ولو ان الفراق له فوايده
فالولاه مكناش هانقرا الكلمات دي
المقطع الاخير ينفع اغنيه تتغنى

doha said...

اصعب حاجة
فى الدنيا كلها الفراق
فراق الاصحاب
والاقارب والاحباب
انا منساش ابدا اعز اصدقائى
ايام جامعه وهو بيحضنى
واحنا فى اخر يوم فى الامتحانات
من خمس سنين
وهو بيقلى
سلام ياصاحبى
انا عمرى ماهنسى الكلمة دى ابدا
هو فعلا الفراق بيوجع جدا

همسات دافئه said...

ما اصعب الفراق
ولكنه قدر محتوم
أحبب ما شئت فانك مفارقه
وعشان كده لازم منضيعش من العمر كتير واحنا بنفكر فيه لما ييجى هايكون كفيل انه ينكد علينا
فلنحب ولنعيش ولنضحك حتى يكون بعد الفراق سلوى وذكرى جميله نبتسم فى داخلنا كلما ذكرناها
*************************
على فكره بقى بلوجك رقيق جدا وجميل اوى من البلوجات الى حبتها قبل ما أقراها:))
تحياتى وأرجو دوام التواصل
شيماء

WhItE HeArT said...

بصي في الاول انتي بتتكلمي عن حب اسطوري سواء حب كحبيب او حب كصاحب او حب كأهل لكن من الاخر الحب ده اسطوري وللأسف معتقدش انه موجود وحتى لو وجد اديكي اهو بتقولي انه في كمان حاجة اسمها فراق هتفرق مابينكم

بس شوفي انا عن نفسي باخد الموضوع بطريقة الاستسلام للأمر الواقع مش لضعفي لإن مفيش حاجة بإيدي هعملها وانا مقتنع بجملة البكاء مبيعملش حاجة "والصراخ بيوجع لي زوري وبيعمل دوشه" وزي انتي ماابدعتي في جملة

لكن الفراق لايسمع لصراخك ولايشعر بنزيفك ولايجفف دمعك

اما بالنسبة لزي الاغنية اللي تحت دي فبأمانه مطلقة فيها معاني كبييرة قوي بس كتابتها معجبتنيش لإن لو لاحظتي تلاقي التكرار فيها كتيير قوي بس كمعنى الكلام رائع

والموضوع أروع بجد عجبني لأإني حسيتي وعشت مع احد اصدقائي بالفعل

تحياتي لحضرتك

walaa said...

فعلا اصعب شىء فى الدنيا الفراق كلماتك جميله قوى ورقيقه عجبتنى قوتك قوى وانت بتقولى للفراق كفايه
اما انا اصعب فراق عندى يوم ما فرقت بابابعدها لم اشعر بالحنان الحقيقى ولا الامان حتى الان

تحياتى لك ولاء

3ala asm masr said...

أكتر حاجه بتوجعنى ووجعتنى فى الدنيا الفراق
كلامك ألمنى
تحياتى على المدونه الرائعه

لولا said...

no chance

ميرسي على زيارتك وعلى الكومنت

فعلا الاوقات الحلوة بتخلص بسرعة

وبعد اللقا بيجي يوم نودع بعضنا

ونفارق بعض

ومبيبقاش فاضل لينا غير ذكرى حلوة عشناها مع بعض
بتصبرنا على مرارة البعد

لولا said...

mask

ميرسي على زيارتك

بس الفراق مبيبقاش مبني على اختيار

ممكن لو هنتكلم على صديق او حبيب
انه يكون حد كويس جدا وتفرق مابنكم الظروف
او الموت

وميرسي على زيارتك مرة تانية

لولا said...

doha

ميرسي على الزيارة
وطبعا ميحسش بمرارة الفراق الا حد جربة واثر فيه

وعمرة ما ينسى لحظة وداع الي فارقهم

لولا said...

همسات دافئة


ميرسي على زيارتك

وعجبتني اوي جملتك
فلنحب ولنعيش ولنضحك حتى يكون بعد الفراق سلوى وذكرى جميله نبتسم فى داخلنا كلما ذكرنها

الي بيصبر الانسان على فراق الي بيحبهم الذكريات الحلوة الي عاشها معاهم

ميرسي مرة تانية على الزيارة

لولا said...

whait heart

هو مش حب اسطوري ولا حاجة
هو موجود بس يمكن نادر شوية
يمكن عندي انا زيادة شوية
مش عارفة بس اكيد في حب وفي فراق
فراق حبيب او صديق او حد غالي عندك

وعندك البكاء مبيعملش حاجة

البكي مبيرجعش الي راح

يعني زي ما قولت علينا ان نرضى بحكم القدر

وبالنسبة للكلام الي تحت
هو مش اغنية خالص
ولاشعر
هو حاجة كدة زخلاص لسة معرفتش اسمها


وميرسي على زيارتك وعلى النقد وانا بجد ببقى مبسوطة لما حد يقولي راية بصراحة لاني
مش بحب المجاملات

لولا said...

ولاء

ميرسي على زيارتك

وعاوزة اقولك حاجة

احنا كل يوم بنقابل ناس ونفارق ناس

ويمكن نفارق ناس غالين علينا اوي ونفتكر ان الدنيا انتهت برفاقهم

بس لازم نتحدى ضعفنا دة
عشان وجع فراقهم ميقتلناش
نفتكرلهم ذكرى حلوة جمعت بينا
ونعيش عليها اهي حاجة تصبرنا على فراقهم

افتكري لباباكي كلمة كان دايما يقولهالك
افتكريله كل موقف جمع بينكم

هتلاقية ديما معاكي
حاسس بيكي

ويارب يهون عليكي فراقة

لولا said...

3ala asm masr

ميرسي على زيارتك يا هند

وانا اسفة ان كلامي اتسببلك في الم

ميرسي مرة تانية على زيارتك

جميله بو حريد said...

لولا

أسمعى اغنيه لازم أعيش
واغنيه اللى يبيعنى ابيعه وما اندمش فى يوم عليه لشعبولا العظيم

بجد لما بنفكر كتير فى المقلب اللى بناخد فى حد كان حاجه كبيره عندنا بنتعب اوى وبنحس ان الدنيا وقفت على كده بس والله ما وقفت

Dr-Online said...

هوة دة حال الدنيا يا لولا
علي فكرة الدنيا علمتني حاجة مهمة قوي
اني مرتبطش بحد قوي لاني عارف ان هيجي يوم ولازم اسيبة وعلشان اللحظات الي بسيبه فيها متكنش صعبة
لازم تعملي كدة


بوستك جميل ومدونتك من اجمل المدونات الي زرتها
لها طابع خاص
وذوق رفيع مش غريب علي صاحبتها
شكرا جزيلا

لولا said...

جميلة

كلنا لازم نعيش

ممكن نكون بنتالم من جوانا بس رغم الالم ورغم العذاب لازم نعيش

عشان منسمحش لاحزنا انها تحكم علينا بالموت البطيء

لولا said...

Dr-Online

الحب دة مش بادينا احب اوي او حب نص نص
دي مشاعر مش بنتحكم فيها


وميرسي على زيارتك وعلى المحاملة الرقيقة دي

bos bos said...

الفراق شىء صعب ومؤلم جدا
لكن طول ما أحنا عايشين لازم هنحس بيه

لولا said...

بوس بوس
منوراني بزيارتك يا جميل

كلامك دة اكد التساؤال الي بيقول
لية اللقا مثل الفجر يمر عابر وليه الفراق مثل البحر ماله اخر

كنت ديما بدعي ربنا ما يكتب الفراق على حد لكن الفراق دة فدر مكتوب على كل الناس
اللي يفارق اصحابة او اهلة او حبيبه
بجد احساس الفراق دة احساس مؤلم اوي
يارب هون علينا مرار الفراق

أمير الهدوء said...

كلماتك جميله جداا

بتذكرني بكلمه كتبتها
لا أجد من يفهمني في زمن يتمنى غيابي

مدونه جميله
وكلمات أجمل

فعلا الفراق صعب
خاصة فراق الصديق والاهل


تحياتي
ومنتظر زيارتك لمدونتي
:)

truelove said...

بصي يالولا احب صديقاتيالي قلبي اسمهالولا برضه وسكرة زيك كده برضه وعقبال مااشوفك زيها يارب هي خريجة كلية اعلام وصحفية شطورة قوي ثانيا انتي سرطان زي واكيد رومانسية حالمة زي وده باين من بوستك ده نيجي للبوست تعرفي وانا في علاقتي مع حبيبي في بداية العلاقة كنت قلقانة وخايفة ومرعوبة تفتكري من ايه كنت خايفة من الفراق والبعد قوي في الاخر قلت لازم أعيش وقتي كله وزي ماتكون والي ريده ربنا هيكون حلوة كلماتك وحلوة انتي كتير ياقمرية

لولا said...

امير الهدوء

ميرسي على زيارتك وجملتك مؤثرة اوي
لا اجد من يفهمني في زمن يتمنى غيابي

وان شاء الله هزور مدونتك

لولا said...

truelove

ميرسي على زيارتك
وميرسي على كلامك الحلو ده
وانا سعيدة بالصدفة الجميلة دي
ان انا وانتي نفس البرج وكمان على اسم صاحبتك
سلامي ليكي ولصحبتك
وربنا يسعدك يارب انتي وحبيبك وتكونوا طول العمر مع بعض

DoMaLaYs said...

بجد تسلم ايدك

اول تعليق

بس البلوج عجبني بجد

و ثانكس

شريف طلال said...

أصعب حاجه الفراق فعلاً
ربنا يبعده عنا
شكراً يا لولا موضوع مؤثر جداً

لولا said...

DoMaLaYs
ويارب ميكنش اخر تعليق
اتمنى زيارتك دايما

لولا said...

شريف طلال

فعلا الفراق صعب اوي

يارب يهونه علينا

الجمعاوي الاصيل said...

السلام عليكم ورحمة الله وبركاته

هذه اول زيارة لي

بالفعل مدونة جميلة بارك الله فيكي

وانا لا احبذ التعليق على الموضوع

فانا اكره الفراق


ولا استطيع ان احبس دموعي لحظة الفراق

ولو كانت صحبة ساعة

mohamed hesham said...

الموت أصعب أنواع الفراق

والفراق أصعب أنواع الموت

لولا said...

الجمعاوي الاصيل

وعليكم السلام ورحمة الله وبركاته

ميرسي لزيارتك واتمنى انها متكونش الاخيرة
ومين فينا مبيكرهش الفراق

لحظة الفراق بتبقى صعبة اوي على اي حد

لولا said...

محمد هشام

عندك حق
الموت أصعب أنواع الفراق
والفراق أصعب أنواع الموت

وعشان الفراق بيبقى سبب في في موتنا واحنا عايشين لازم نتحداه
لان الفراق مكتوب على كل الناس
يوم بنقابل ناس ويوم بنودعهم ويوم يودعونا
عارفة انه صعب وصعب اوي وبالذات لو فارقت حد بتحبه اوي
بس هنعمل ايه انه القدر

تحياتي ليك
وميرسي لمرورك

doda said...

هو الكلام لذيذ ومظبوط وحلو اوى وتسلم الى كاتباة وكل حاجة واكن لكى كل الاحتلاام والتقدير على الكلام الجميل دة بس انا مبحبش الحزن والا الفراق والا الكلام دة كلة ودايما بتعمد ان انا ابعد عن اى حاجة يجى من وراها وجع الدماغ دة واولها الحب بحب الهيسة وخلاص بس مشكور كتير على الكلام الحلو دة

لولا said...

حبيبة قلبي دوده

ميرسي على كلامك
وانا عارفة يا دودي احلى حاجة فيكي انك مكبرة دماغك
بس الحب يا دودي ما هوش بارادتنا
يا ما ناس زيك قالو احنا لية نحب
لية نتعب قلبنا
بس زي ما الفراق قدر الحب قدر
فجاءة تلاقية بيدق قلبك من غير اسباب
وتلاقي نفسك غرقانة في الحب
وتستغربي وتقولي معقول انا الي كنت بقول عمري ماهحب عشان خايفة اتجرح
اديني حبيت
وتفرحي اوي بحبك
وتنسى اي حاجة ممكن تزعلك وتفكري بس في حبك
صدقيني يا دودي وانتي مرة قولتيها الحب قدر
بيجي فجاءة
يعني يا دود لولا القدر كنا بقينا اصدقاء
لكل حاجة بتحصلنا قدر انكتب علينا قبل ما نتولد

ميرسي يا دودي مرة تانية على مرورك

لولا said...

وبعدين اية لذيذ وظبوط دي

هو اكل يا بنتي
ناقص تقولي تسلم ايد الي طبخاه

الســـاحر said...

اولا كل سنه وانتى طيبه
وانا بهد ماقريت موضوعك
ماقدرشى اقول غير
كلام جميل خارج من قلبك

لولا said...

الساحر
كل سنة وانت طيب يا خالد
وعيد سعيد عليك يارب
وميرسي على كلامك

مداح القمر said...

اجمل وصف للفراق...لايمسمع لصراخك ولا يشعر بنزيفك...بيخطف قلب الواحد خطف فعلا...زيه زى الحب فى الاول
بصى انا من النوع اللى بتألم ف اول الجرح بس...ممكن الذكرى تخلينى اتضايق شويه انما عمرها ما تألمنى لانى ببساطه بحس ان الفراق دا مش المفروض اتكلم فيه لانى عملت اللى عليا عشان امنعه ولكنه برضه حصل...خلاص يبقى انا مش اقوى من القدر...بس ناا معاكى برضه انه اسوأ شىء ممكن يصادف الانسان...الفراااق
على فكره انتى بتكتبى عامى حلو...والله بجد حاولى تكتبى اكتر او تعملى تدوينه لكتاباتك

لولا said...

مداح القمر
ميرسي على زيارتك
وميرسي على المجاملة الرقيقة دي دا بس من ذوقك
وبالنسبة للفراق احنا عمرنا زي مقولت ما هنكون اقوى من القدر
بس الفراق مهما كان بيكون صعب
اوي وعاوز قلب جامد يتحملة

تحياتي ليك
ومتحرمناش من زيارتك

احساس لسه حى said...

عزيزتى
هو الفراق بيختلف لانه ممكن يكون اختيار وباردتنا وممكن يكون غصب عنا ولازم مشاعرنا تختلف حسب نوع الفراق وسبب الفراق وصعباننا تزعل على انسان اختار فرقنا بمزاجه ونفس الزعل يحصل على انسان فراقه لينا كان غصب عنه ومهما كان بعد الفراق ومرور الوجع اللى بيسببه لازم نفوق ونقوم ونعيش ونعرف ان اللى من نصيبنا هو بس اللى هيكون لينا
كلامك بيوجع يا ريت يستاهل اى وجع
سلام

لولا said...

احساس لسة حي
اكيد يا حسام بيختلف ماهو مش هتسيب ناس باردتك وهتبقى زعلان لكن لوغصب عنك هيبقى مؤلم اوي
او لو العكس ناس سابوك باردتهم هتزل مش لفراقهم هتزعل لانك طلعت مش فارق معاهم اصلا اما بقى لو سابوك غصب عنهم هتزل عليهم وعلى حالك بعد فراقهم

بس زي ما قولت دة نصيب والي في نصيبة حاجة هيشوفها

mohammad hamza said...

والله الموضوع جامد بجد ... وعميق اوى اوى .....

وتصميم المدونة برضه حلو اوى ..

ody911 said...

happy new year

كل سنه وإنتى طيبة



وعادى بقة
أودى

nour el 3ozamaa said...

كل عام وانتم بخير وادعوكم لمشاهدة موضوع فضيحة جامعة القاهره وهذا الموضوع اقسم انه حقيقي

تحياتى

al3ozamaa.blogspot.com

nour el 3ozamaa said...

كل عام وانتم بخير وادعوكم لمشاهدة موضوع فضيحة جامعة القاهره وهذا الموضوع اقسم انه حقيقي

تحياتى

al3ozamaa.blogspot.com

بوووووبة said...

بصي يا لولا أنا هبعد عن موضوع البوست شوية ياقمرية هقولك جميل قوي أننا نحب وجميل قوي اننا نستمتع بحبنا بس منخليش حياتنا كلها واقفة عند حد معين لان معني ده اننا لما الحد ده هيروح مننا هنضيع أحنا كمان ويا عالم اذا كان يستاهلنا ولالا لازم نخلي حياتنا كلها تحت أمرنا نحبها كلها منربطش نفسنابحدث بعينه يمكن كلامي هيكون مادي شويا بس ده علشان ارواحنا تعيش لازم نتعلم نعيش بالمادة والروح يارب حياتنا الجاية تبقى احلى واجمل يا اجمل لولا ربنا يسعدك قوي

لولا said...

اودي

كل سنة وانت طيب والسنة دي تكون اسعد من الي فاتت ان شاء الله

لولا said...

محمد حمزة

ميرسي يا محمد دا بس من زوقك

لولا said...

نور العظماء

كل سنة وانت طيب يا نور
انا شوفت الموضوع
دا مش بس فضيحة دي فضيحة بجلاجل
تحياتي ليك

لولا said...

بووووووووووووبة

كل سنة وانت طيبة يا قمر
وعندك حق في كلامك
لازم مانربطش حياتنا بحياة حد تاني ولازم نعيش

ويارب يسعدك يارب ويسعد كل الناس وتبقى حياتنا كلها سعيدة

سلام يا قمر

Anonymous said...

السلام عليكم ورحمه الله وبركاته
لى تعليق على انا واصحابى...اليوتيوب...بصراحه عيب اوى تكونى بدايه صحفيه وتكون دى بدايتك
هناك بوستات ممكن تضعيها تكون افضل من اليوتيوب دا ...ان مش بنتقدك لالالا..ولكن انصحك واتمنى لكى التوفيق فى حياتك الصحفيه ونلاقى حد يدافع عن الحق وربنا يوفقك...اوعى تزعلى منى ..ز
من
عاشقه
الكلام

احساس لسه حى said...

عزيزتى
كل سنة وانتى طيبة وبخير دايمن
طيب ايه اقوى من الحب ممكن يخلينا نبعد ونفترق عن اللى بنحبهم ومهما كانت الاسباب مش الحب احلا واجمل ويستاهل اى تضحية وغالى بدل حب حقيقى وبجد
انا بشوف اللى يقدر ياخد قرار الفراق مش بيحب حب حقيقى واى اسباب مش هتكون كفتها اكبر من الحب
تحياتى
سلام

لولا said...

عاشقة الكلام

انا مش زعلانة منك ولا حاجة وبجد انا بتقبل النقد وعمري ما بزعل من نقد اتوجهلي لا انا بستفيد منةوكمان بحب اسمع النصيحة
ودي وجهات نظر وانا لازم احترمها
وشرقتني زيارتك واتنمى زيارتك دايما

من القلب said...

ماهو اللى بيحب اوى بيتعب اوى وقت الفراق
و الحب مش بايد الانسان و اوقات كمان الفراق مش بايده
و يمكن الفراق يكون احسن كتير من ان الواحد يفضل يحاول محاولات فاشلة لابقاء الحب لانها ممكن تجرح و الفراق ارحم من الجرح
صدقينى لو نصيبك هيرجعلك مهما طال الايام

لولا said...

احساس لسة حي

كل سنة وانت طيب يا حسام

عندك حق قرار الفراق قرار صعب اوي على قلب حب بجد ممكن يكون غصب عنة لكن لو مش حب بجد بيكون عادى ولاكان حاجة حصلت

لولا said...

من القلب

عندك حق في كلامك

غراب & حمامة said...

احساس بيكون صعب اوي
بتحس انك عاجز و مش قادر تعمل اي حاجة غير انك تقف و تتفرج في صمت
و ممكن كمان تحاول تختفي من حياته عشان يقدر يعيش بعد كدة حياته
الواقع هو أسوأ حاجة ف الدنيا

كلامك جميل
مليان مشاعر حب وألم

ضي القمر said...

كلمات رائعه سلمت يداكي