زمان كنت
أسمع أبويا ديما يقول " وعد الحر دين عليه" كنت وقتها عيل صغير مش فاهم حاجة
فاكر كويس
أوي لما كنت بودعه على باب المطار كنت
ساعتها لسه في 5 ابتدائي حضنته أوي وبوسته واترجيته يفضل معايا .
وعدني
يومها أنه راجع بسرعة مش هيغيب.. وراح.. وبقى عندي 30 سنة ولسه مرجعش
بيقولوا
اتجوز هناك وبقاله بيت وعيلة جديدة وناس بتقول ده مات .. مش هتفرق يعني هو أصلا
مات بالنسبالي من زمان .
أول بنت
حبيتها وعدتني مش هتسيبني ومش هتكون لراجل غيري وأول راجل زغلل عينها بفلوسه
باعتني وراحت ليه ومن باجحتها عزمتني على فرحها .
أنا مش
قاصد أحكيلك قصة حياتي وأضايقك بس أنا خايف أوعدك إني هفضل معاكي لأخر العمر وما
وفيش .
النهاردة
بس عرفت يعني ايه وعد الحر دين عليه لما شوفت في عيونك حبك ليا
وأنا مش حر أنا سجين خوفي وضعفي وجبني وعقدي
النفسية اللي سبهالي أبويا واللي كانت حبيبتي وامي الغلبانة اللي مشافتش من الدنيا
غير الهم.. أنا مش حر ..بس بحبك.
توعديني
تنسي كل اللي قولته ده وتفضلي معايا .
لبنى غانم
