رسالة لحبيبي



حبيبي الوحيد
مهما تبعد عني
هتفضل جوا مني قريب
مهما تخدك مني اليالي
هفضل على وعدي معاك يا غالي
لو هتفكر تبعد عني وتنساني
قلبي هيعيش بعدك وحداني
لو هتقدر تنساني....انساني
وسيبني اعيش وحدي في احزاني
بس مهما حاولت تنساني
مش هتقدر تنساني
لاني عارفه انك بتهواني
نفسي تخدني ونعيش في عالم تاني
دا انا قبلك كنت تايهة وحبك الي هداني
كنت بموت وحبك الي نجاني
اياك حبيبي تنساني
اياك تفكر ان بعدك هحب تاني
واياك لما ابعد عنك كام يوم
تقول مش عشقاني ولا تقول نسياني
واياك لما ارجعلك بعد غيبة
تقول مش وحشاني
حبيبي حط نفسك مكاني
دي عمايلك معايا مجنناني
وفي الختام
بهديلك مليون سلام
يا ارق قلب واعظم انسان
يالي في حضنك بلاقي الامان
يالي قلبك سكني وبعدة مليش مكان

15 التعليقات :

Anonymous said...

جميله جدا يا احلى لولا
ويارب يفوفقك يابيبي واكتبي كتير لانك
احساسك جميل وعالى قوى وتانى ربنا معاكى


صديقتك مريان

لولا said...

مريسي يا مريان ربنا يخليكي ليا واشوفك مخرجة اد الدنيا ونكون زمايل في الشغل كمان
ميرسي يا ميري يا قمر

بهاء الدين رمضان said...

رائع جدا يا لولا
جميل فعلا
أتمنالك التوفيق والتقدم

ody911 said...

مش بقولك يا بختوا بيكى

أكيد ربنا بيحبو

علشان رزقوا بيكى

مش مجاملة ولا نفاق ولا كلام وخلاص

بجد كلامك جميل مش عارف أنا كل ما أدخل عند أقولك كلامك جميل حاسس إنها كلمة قديمة توصف إعجابى بكلامك بس بجد مش لاقى غيرها


كلامك جميل


وعودأ أحمدا


وعادى بقة
أودى

جميله بو حريد said...

يا مرحبا بعودتك بعد انقطاع النت نور يا رجاله
باقولك ايه انسى اللى نساكى وما تندميش فى يوم عليه ده الخيره اللى اقدر اعطيها ليكى بعد عمر 80 سنه

أجدع واحد في الشارع said...

ازيك

الف حمدالله على السلام

انتى كنتى فين كل ده

على فكرا انا عينى دمعت وانا بقرا البوست ده ومعرفش ليه ده حصل

عشان احساسك الجميل

خليكى متفأله

تحياتى

لجمل لولا

حـنــين said...

دعوة للقتل

amy lee said...

جميل دا
انتي احساسك عالي ورقيق
انا فالبلوجات دي عرفت ناس جميله قوي
وبيكون نفسي اتعرف عليهم بجد

الســـاحر said...

حلو اوى المشاعر الجميله اللى انتى مخلياها لحبيبك
انتى فعلا شاعره وفنانه
وفى النهايه عايز اقولك على حاجه

الحرب قاااااااامت
ايوة الحرب
ياريت تزورينى وانتى تعرفى
وفى النهايه سلامى وربنا يوفقك

علاء said...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

شاب نفسه يحقق حلمه said...

برافو علي الاحساس
برافو علي الكلمات
برافو علي كتابه البوست بالطريقه دي
بجد برلفووووووووو
تحياتي

wa3d-el3yoon said...

الحب أجمل حاجه فى الدنيا
والقصيده دى جميله

ابراهيم عز الدين said...

لا بجد كلام جامد
واحسن حاجة فبه الاحساس
والتعبير

زى الهوا said...

فعلا اسلوبك حلو اوى

....سمسمه said...

ما شاء الله احساس جميل

عارفه على اد ما اللغة العربية الفصحى بتبقى جميله

بس في حاجات مش بتعرفي تعبري عنها الا باللغة الدارجه

ربنا يوفقك