معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا
ولا في الكلام
ولا عايز أنام
ولا حتى بسأل إيه ده ليه
و أخرتها إيه و إيه العمل
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني الألم
أو يستلفلي من لئيم حبّة أمل
حالة كده .. معرفش إيه
ملهاش معاد
ساعات تزورني في الربيع ..في الحر ..و في عز الشتا
و تجيب حاجات لا فيها روح ولا ميتة
حاله كده
..لا معاها تنفع كلمتين
ولا غنوتين
..ولا لقطه من ألبوم صور
..ألاقى قلبى ف الهواويا الكور
..أخاف اقول لأى حد
..أحسن يقوم يقلبها جد
..حاله كدة
.معرفش إيه
لكنى بطلع منها بعد السكات
..فاهم شوية في اللي فات
حاسس أوي بحضن الصحاب
..محظوظ أناساعات أشاورينفتحلي ألف باب
لكنّي بغلط في الحساب
ومعرفش ليه تنحت للدنيا كدة
على سلامة
6 comments:
اولا حمد الله على سلامتك
بقالى كتير قوى مش بقرى لحضرتك كلام جديد
بس الحمد لله
انك بخير
لتاني مرة مبقاش أنا أول تعليق ربنا يسامحك يا شيخة
:(((
عموما انت دايما اختياراتك جميلة و حساسة زيك
انت جواكي معاني و أفكار كتير أوي بس مش عارفة قيمة نفسك
يا رب تخرجي من الحالة اللي انت فيها دي قريب
أيا كانت حالة حزن أو ملل أو رغبة في التتنيح
:))
بحبك يا مجنناني
helwa elaoghnia helwa lagmat
رومانسي
الله يسلمك
الحمد لله على كل شيء ميرسي لمرورك
وسؤالك
ايناس
يارب يا ايناس يارب
ادعيلى جامد
بعد الشر عليكى من الجنان يا حبي
مدحت
ميرسي يامدحت
Post a Comment