Wednesday, June 04, 2008

اغلاق لدواعي نفسيه



كتير جه في بالى اقفل البلوج وكنت برجع تانى عشان لاقيته صعب اوى لكن النهارده قررت اقفله يمكن يكون اغلاق مؤقت ويمكن يكون نهائي
وفي الحالتين بعتذر لكل الى كان بيهتم انه يزور البلوج ويقرا الخواطر الى بكتبها وانا مكنتش بزور بلوجه 

بعتذر لكل كل حد ضيقته او زعلته بدون قصد
انا مش بحب حد يزعل منى ياريت ميكنش حد زعلان منى

انا عرفت فيكم ناس كانو ا بجد اخوات دواصدقاء حقيقين بالرغم انى ممكن مكنش شوفتهم ولا شافونى وكان الى بيجمعنى بيهم مجرد دردشه على الاميل

وناس تانيه عمرى ماكلمتها وبالرغم من كده كنت بحس انهم ناس قريبين منى لازم ادخل بلوجاتهم واشوف اخبارهم ايه يمكن ساعات مش كنت بكتب كومنتات بس كنت بدخل وقرالهم
انا بعتذر بجد لو كنت قصرت في حق اى حد ومش اهتميت بزيارة بلوجه زى مكان بيهتم بزيارتى

ياريت محدش يكون زعلان منى
انا مش عارفه ممكن ارجع تانى اولاء يمكن ارجع بعد شهر او اتنين او يمكن اكتر او يمكن مرجعش خالص الله اعلم

ارجوكم محدش يسالنى ايه سبب ده لانى بجد مش عارفه يمكن تكون مجردحاله شعوريه وهتعدى
سلام يا احلى بلوجريه عرفتها

17 comments:

مدحت محمد said...

كويس الناس هترتاح منك شوية ههههههه
نبقى نشوف الموضوع ده
بعدين

زى الهوا said...

يارب يكون مؤقت , روحى شوية وهتلاقى نفسك مرة واحدة محتاجة تكتبى ساعتها ماتمنعيش نفسك عن الكتابة ولا عن البلوج

سارة البحر said...

اتمنى من كل قلبي انه يكون مؤاقت وحتى لو مؤقت غيابك ما يطولش علينا
هتوحشني كتاباتك اوي حتى لو كنت مش بسيب كومنتات

Mohamed Hesham Safa said...

هترجعي تاني ...

أنا مش هقول سلام ...

هقول إلى اللقاء ...

والسـ ختام ــلام

أنا حر said...

ان شاء الله يكون اجراء مؤقت لأننا ادمنى خواطرك ومنقدرش نتخيل المدونات من غيرها
تحياتي

Mohamed Hesham Safa said...

كل ده لسة ما جعتيش ... ؟

littilemo said...

love is somthing
to keep it as it is 2 hard

Muhammad Mammdouh said...

عودى يالولا
عودى عند الفجر

عودى للبلوجاريون
متهرجيش وبلاش الاحساس ده يتمكن منك معتقدش انك ضعيفة
وهاتستسلمى اعقلى
وارسيلك على قارة ....

Muhammad Mammdouh said...

عودى يالولا
عودى عند الفجر

عودى للبلوجاريون
متهرجيش وبلاش الاحساس ده يتمكن منك معتقدش انك ضعيفة
وهاتستسلمى اعقلى
وارسيلك على قارة ....

WhItE HeArT said...

أيه الكلام اللي انا حفظته ده ياناس ؟

انا سمعت الموضوع ده اكتر من مرة الاسبوع اللي فات من بلوجريه مختلفين بجد لدرجة اني اعتزلت الكتابه مؤقتا وبفكر اقفل انا كمان مهو الكل هيمشي فاانا كمان امشي ؟

انا نفسي اعرف هوه البلوج عمل ايه يعني علشان تقفليه

القرار قرارك وبتمنالك التوفيق في حياتك

تحياتي

نور الدين (محمد الجيزاوى) said...

يعنى اول مرة ادخل الاقيكى هتقفلى
طب ااقول على نفسى ايه وشى نحس
مينفعش كدة

Mohamed Hesham Safa said...

شكلك كده بتهربي من التاج خلاص انا سحبته مش مشكلة ...

Mohamed Hesham Safa said...

i'm still waiting

مدحت محمد said...

يعنى يرضيكى اللى بتعمليه فى الناس
ده ياحاجة

أسير الجراح said...

لولا

اولا غيابك طال اوى

ومفيش حد زعلان منك


لو فى حد زعلان

ما كنتيش هتلاقى التعليقات دى


نتمنى رجوعك بالسلامة ان شاء الله



تحياتى


اسير الجراح

مؤمنه said...

السم عليكم ورحمة الله وبركاته
ازيك يا لولا اخبارك ايه
يارب تكونى فاكرانى
يعنى اول مره ادخل عندك الاقيكى هتقفلى البلوج
ارجو ما يكونش قرار اخير
وارجع تانى والاقيكى متالقه
دومتى بكل خير
والسلام عليكم ورحمة الله وبركاته

نوري said...

أنتي عارفه
أنا عمري في حياتي ما هنساكي
ويا رب فعلا تكون حاله شعورية وتعدي ع خير
وترجعي تاني لولا بتاعه زمان واحلي
عشان بلوجك من احلي البلوجات إلي أنا دخلتها

يمكن أنا وأنتي مكناش أصحاب
بس أنا من زمان كان نفسي نبقي كده وأتعرف عليكي
فلو أنتي موافقة تعالي عندي وخدي الايميل وعميلي أد
وساعتها بجد مش هقدر اوصفلك فرحتي

يا رب ديما يبقي جنبك يا قمره البلوجريه
بست وشز فور يو