Sunday, September 14, 2008

التيجان تحاصرينى

مش عارفه فجاءه لاقيت التيجان محصرانى من كل مكان تاج من اسماء الشيخ وبعديها عبدالله بعتلى تاج وادخل عن محمد هشام الاقي نفس التاج مستنينى وشويه الاقي نورى بعتالى تاج

هبدا بتاج اسماء الشيخ مدونه كلام وخلاص

أعطيتك ثلاث وردات .. من هم الثلاث أشخاص اللى هتعطيهم الورد اللى معاك..؟
ورده لماما والتانيه لبسمة صديقتى العزيزة والتالته هحتفظ بيها او اهديه لو حده من صحباتى برضه


لو أعطيتك ورقه فيها 3 سطور وقلتلك اكتب فيها اللى انت عاوزه هتكتب ايه

اللهم استرنى فوق الارض وتحت الارض ويوم العرض عليك

يارب حققلى احلامى ومتحرمينش من الناس الى بحبهم

فكر جميلا ترى كل شيء جميل


ما هو هدفك فى الحياة؟؟

هدفى انى اكون انسان ناجحه

المقولة" إن شاء الله بكرة هيكون أحسن من النهاردة" هل تصدق هذه المقوله ولماذا؟؟

اه طبعا اصدقها جدا لانى عندى يقين وايمان ان الضيق اكيد بعده فرج وان بكره هيكون احلى من النهارده وامبارح انشاء الله

أجمل مقوله سمعتها فى حياتك

في مقولات كتير بس مش متذكرها حاليا هقول الى فكراه

فكر جميلا ترى كل شي جميل

في مقوله تانيه بحبها عقلك احبه لانه يحتوينى وجنونك اعشقه لانه يروينى ويضينى وحبي لك فوق مستوى العقل واجن من الجنون


من المغنى اللى بتحبه أوى ؟

كتير برضه بحب فيروز وماجده الرومى وجوليا بطرس ومروان خورى وكاظم


و إيه أحلى أغنية بتحبها ؟؟

بدى حب كبير ليارا وعندى حنين لفيروز

غزه..تمثللك ايه فى حياتك..؟

انا مش هقول بتمثلى ايه لانه شعورى زى اى مسلم اوى انسان عربي بيشوف الى بيحصل فيها وفيه غيرها ن البلاد العربيه

إعطى لانتمائك لوطنك درجه من مائه

بغض النظر عن الى بيحصل في وطنى العزيز والى خلى ناس كتير متحسش باى انتماء بس انا متاكده برغم ده اننا كلنا عندنا انتماء برغم كل الى بيحصل فيه ..

لو تزوجت وانجبنت..بنتين وولدين..هتسميهم ايه


هسيب الموضوع ده لاوانه لانىكل مختار اسم اغير راى فيه

عمرك غشيت فى امتحان وانت صغير..؟

لا انا اغشش اه اغش لاء ههههههههه طول عمرى مبعرفش اغش

لو أتعرض عليك رشوة كبيرة و انت فى زنقة مالية هتعمل إيه؟؟

لا طبعا مش هقبل ربنا يبعد عنى اى شيء يغصبه منى

قول 3 صفات بـ 3 كلمات بس توصف بيهم شخصيتك؟؟


مممممممممم هسيب السؤال ده للجمهور

صفه عاوزاها فى شريك حياتك

يحتوينى

إيه اللى غير دراستك وشايف نفسك فيه قوي

مفيش انا كل اهتماماتى في مجال دراستى وان بعدت مبتبعدتش كتير بتكون في نفس النطاق

بتحب السفر ؟؟

لو مع حد من اصحابي

طب دلوقتى حالا ايه المكان اللى نفسك تكون فيه
السرير لانى عاوزة انام

تمرر التاج ده لمين
هسيب الاجابه في الاخر

*********************

التاج التانى

من محمد هشام وعبدالله

بدأت تدون من امتي ؟ و دخلت العالم ده ازاي ؟

بدات تدوين 25 سبتمر 2006

دخلت العالم ده ازاى بسمة صحبتى قالتلى على موضوع المدونات وعجبتنى اوى وبعد كده عملت مدونتى دى

ايه كان انطباعك في البداية ؟

كنت فرحانه اوى وفرحانه بالكومنتات والمدونات كان في كام مدونه علطول متابعها

مين اكتر واحد بتهتم بتعليقه علي بوستك الجديد ؟

لا مفيش اكتر واحد بهتم بالتعليقات كلها

ايه أهم حاجة اتعلمتها من عالم التدوين ؟

مممممممم يمكن ادانىشويه ثقه في نفسى

ايه أكتر حاجة كرهتها ؟

ان كل المدونات بقت شبه بعضها

حاجه تانيه اى مبحش حد يجاملنى في الكومنتات

حاسس ان التدوين له تأثير ؟

اه طبعا ليه تاثير على المستوى الشخصى والعام

الشخصى عرفنى باصدقاء بحبهم جدا

العام ان المدونات اكتسبت شهرةجامده بعد اعتقال بعض المدونين

تاثيرها الاجابي عرفت الناس ببعض وخصوصا انك تلاقي حد تانى له نفس اهتمامتك

التاثير السلبي محاوله عمل غسيل مخ لبعض الناس من قبل المدونات الحزبيه

تهدى التاج لمين

هسيب الاجابه للاخر

*********************

التالت

من رومانسيه بالمايونيز

توضيح اسم المدون الي اتكرم ومررلك التاج

وهل يخفي القمر اسم المدونه نورى

توضيح قواعد التاج

قواعد ايه بالظبط ياريت توضحيلى انتى

اتكلم عن اهم 6 اسرار في حياتك ربما لم يكتشفها الغرباء

ههههههههه ايه السؤال ده يعنى اسرار ومحدش اكتشفها وعاوازنى اقولها كده

بصى هو مبدئيا كده انا معنديش اسرار

مرر التاج ل 6 مدونين مع ذكر اسمائهم وروابطهم

في الاخر هقول

ترك تعليق في المدونه الي همرر لها التاج

اوك اوى اوى

نجى بقي للمهم همرر التاج لمين اولا نورى هتجاوب على التاجين الى مجاوبتهمش نبدا بقي بعد الضحايا الى هرمى

عليهم التيجان دى

http://nourinour.blogspot.com/ نورى

http://sahafy.blogspot.com/ عبدالله

http://mohamed-hesham-88.blogspot.com/محمد هشام

http://mohamed-hesham-88.blogspot.com/ بوس بوس

http://kalam-w-khlas.blogspot.com/اسماء اليشخ

http://3alaasmmasr.blogspot.com/هند عمار

وكل الى نفسهم يجاوبوا التيجان دى انا بهديهالهم

20 comments:

نوري said...

تاجي اونطه عايزين فلوسنا
ده تاج اونطه عايزين فلوسنا

ايه الحركات دي بقي
فين يابنتي الاجابه
هو احنا فينا من كدا

الامتحان ده هيتعاااااااااااااااااد

يلا بقي الحقي اكتبي حاجه
قبل ما الم الورق
بست وشز فور يو

الســـاحر said...

اولا كل سنه وانتى طيبه
وبصراحه كان نفسى اكون اول كومنت عندك
بس معلش ملحوقه
وايه التاجات الكتيره دى
انا كل ماا دخل عند حد القى تاج
هو رمضان جاى عليكوا بالتاجات
وفى النهايه سلامى وربنا يكتر تاجاتك
هههههههههههه
وياريت لو تشرفينى بزيارتك
بس منغير تاجات
هههههههه

almasry said...

انا عاوز أفهم حاجه


انتى بترديلى التاج؟ يعنى فاكرانى باعتلك كيلو وربع جوافه بجنيه خمسه وتلاتين قرش؟


لا ياماما انا باعت تاج يعنى ممكن يكون سعره فى الأسواق العالميه دلوقتى تلاته جنيه يعنى أسد دسون مصر بيهم ويفيض جنيه وربع أشترى بيه بيضه أصلى لمؤاخذه جعان



ثانيا ايه حكايه الدعوه اللى على مدونة أنا و أصحابى دى؟ عموما فوت دى علشان مش أولع فى أخويا اللى جنبى دلوقتى


تحيـــــاتى
المصـــــــــــــــرى

Muhammad Mammdouh said...

حلو قوى قوى
قوى

أنا حر said...

الواحد لما يرزق تجيله تاجات من السما
:)
معلش عايز منك خدمة لو كنتي حملتي رواية تغريدة البجعة من النت تبعتيلي الرابط لأني بدور عليها مش لاقيها
معلش هتعبك معايا
تحياتي

ريمان said...

ازيك يا قمر

اخبارك ايه

يا رب تكونى بخير

وكل تاج وانتى طيبه

بس ايه الاجابات الجميله دى

اجابات صريحه وعرفتنا على شخصيتك اكتر وعرفنا عنك معلومات كتير

مع تحياتى يا قمر

ريمان

media said...

نوري

يا بنتى منا جاوبت
وبلاش والنبي اعاده الامتحان كفايه مره واحده الله يخليكى

media said...

الساحر

ازيك يادكتور
معلش بقي تتعوض ان شاء الله
يظهر انه موسم التاجات
ولى فكره انت كده بتدعى عليا مش بتدعيلى انا ما بصدق اخلص من تاج يطلعى غيره

media said...

المصري
ذنبه ايه اخوك بس استهدى بالله كده
وبعدين المفروض اردلك الهديه مينفعش كده

media said...

محمد ممدوح

لحد دلوقتى مش عارفه ايه الى حلو اوى اوى

media said...

انا حر

لا انا كنت اشترتها من القاهره هى اصلا مش موجوده على النت
لو كانت على النت كنت بعتلك الرابط

media said...

ريمان

ازيك انتى

كل سنة وانتى طيبه
نورتى البلوج

Mohamed Hesham Safa said...

السلام عليكم ورحمة الله وبركاته ...

أولا : كل سنة وانتي طيبة ...

ثانيا : متشكرين عل جعلي احدى (الضحايا) قبل العيد بيوم ...

ثالثا : إن شاء الله أجاوب على التيجان التلاتة بعد العيد ...

رابعا : سعيد إنك افتكرتيني ...

والسـ ختام ــلام

shabfa2re said...

beeeeep beeeeep
happy eiiiiiiiid

Unknown said...

ضحكت على اغنا اغشش و ما اغشش دى
:)

romansy said...

كل تاج وانتى طيبه
تقبلى مرورى
اجاباتك ممتازه
ويارب يحقق احلامك
ودعواتك يارب

media said...

محمد هشام

ازيك يا محمد كل سنه وانت طيب
انا بس كان قصدى بس اعيد عليك

media said...

شاب فقري

هابي عيد عليك

media said...

عاليا حليم

منورانى يا عاليا

media said...

رومانسي

وانت طيب

يارب يحقق لكل الناس احلامها