اسمعنى حبيبي خلاص مبقتش حبيبي
خلاص كل اللى بنا كانت حكايه وانتهت
خلاص كلمة حبيبي من حياتى اتمحت
ابعد خلاص كل شيء بنا انتهى
ابعد خلاص اخرج من حياتى كلها
مقدرش اشوف كل يوم مع واحده تانيه تحبها
مقدرش اكون في حياتك لعبه لعبتها
وبذكاء قدرت تخدعنى وكسبتها
ابعدخلاص كل شيء بنا انتهى
ابعد خلاص اخرج من حياتى كلها
وخد معاك الذكريات خدها وابعد من سكات
سيبنى خلاص انا قلبي مات مش هيدور ع اللى فات
اغنيه من تاليفى
24 comments:
طالما هو بيخونك كدة مع كذا واحدة المفروض فعلا مش ترجعيله
حلو والله
الكلمات كمان ليها موسيقى حلوة
تسلم ايدك
والله كلنا معدش عندنا قلب من الى بيدور على الى فات تحياتى ليكى ولكل كلمة بتكتبيها
لولا ازيك يا قمر تحفة الاغنية بجد اسلوبك جميل بجد عجبتنى
مقدرش اكون في حياتك لعبه لعبتها
وبذكاء قدرت تخدعنى وكسبتها
ابعدخلاص كل شيء بنا انتهى
ابعد خلاص اخرج من حياتى كلها
حلوة جدااااااااااا
حلوة بس ياريت الواحد بيقدر يمحى الذكريات , ماكنش حد غلب
ما شاء الله كلماتك حلوة فعلاً وعجبتنى قوى.
ونظراً لأنى دى أول زيارة ليا لمدونتك فقد قررت إنها ماتكونش الأخيرة إن شاء الله
كلمات حلوة قوي
بيني وبينك خسارة في الندل اللي مكتوباله الاغنية دي
تحياتي
يا سلاااام انا عشان بلحن بشوف كلام كتي وناس كتير بتكتب بجد انت من افضل الناس اللى بيكتبوا يعنى مافيش حد فى مستواك غير ابن عمتى (مداح القمر) هو برده بيكتب كويس كده
لأ برافوا حلوه اوى
لو عندك استعداد انى الحنهالك أوكى
اكتبلى على مدونتى ردك
سلااااااااااااااااااام
الرسائل الرومانسيه
هى الخيانه بتبقى حاجه صعبه جدا ولو جت من اقرب الناس لينا
فبنبعد عنهم
بلو واف
ميرسي ربنا يخليك
بيري
ازيك انتى
ميرسي ليكى
زى الهوا
هى فعلا الذكريات بتفضل تطاردنا على طول بس اكيد هيجى حد يمحى اى ذكرى المتنا ويكون هو الذكرىالحلوة في حياتنا
ميرسي ليكى
قلب مصري
ميرسي ليك وان شاء الله تنورنى ديما في البلوج
انا حر
هههههههههههههه
عندك حق عتاب الندل اجتنابه
وعد العيون
بجد انا مش عارفه اشكرك ازاى وكمان مداح يبقى بن عمتك انا ديما متبعاه بس هو مكتبش حاجه جديده من زمان
بجد كلمات ولا اروع
تسلمى عليها
تحياتى
(:
كلمات رائعه بجد
على فكرة القدرة على الخداع مش بتحتاج ذكاء اكتر ما بتحتاج تمثيل وبرود
البلوج بتاعتك جميلة وناعمة
اكيد انت كده اصلا
سلام
انا زعلت جدا للى قرأتو ولكن انا مش معاكى لو هوا حبك فى الاول يبقه اكيد خينتو ليكى ليها اسباب مش عمل كدا من نفسو اكيد فى تقصير الى خل غيرك تملا عينو طب ليه ملت عينو ايه السبب مهو حبك من الاول واكيد تواعتو على كل شيئ ونسى كل هذا وخانك لماذا ؟؟؟؟؟ مهوا انا مش لزم اجنى عليه ذى باقى المعلقين عشان انا قرأت كلام لالالالالالالالالا انا ضد هذا الحوار انتى قلتى فيه كذا ولكن اانا اقول العيب عندك وفيكى شوفى انتى اكيد قصرتى معاه لئجل هذا تركك وفضل غيرك...
انا اسف اوعى تزعلى من اخوكى ولكن انا عرفت كتير وعرفت قصص كتير وشغلى فى النادى خلانى اشوف كل شيئ وعاشرت عالم اخر
ميرسي ليكى ولمرورك
blue-wave
شكرا لمرورك مره تانيه
كلام وخلاص
عندك حق منورانى بزيارتك
ادم المصري
اولا البوست بعيد عنى الحمد لله
ثانيا ممكن متكونش البنت سبب في خيانه الولد ليها ممكن هو يكون مخادع ماهر وبيوهممها وبيوهم غيرها بالحب
شرفتنى بمرورك
بجد مش عارف اقولك اية جامدة جدا
جميلة جدا
حزينة جدا
شكراااااا كتير
Post a Comment