ليه نبكى ليه على اللي راح
والماضي ليه كله جراح
ليه الحياه ديما دموع
واللى راح ملوش رجوع
ليه الليالي طويله مليانه جراح كتيره
ليه يا قلبي ديما في حيره وعذاب مبيتهيش
ليه دموعنا ديما كتيره وجراحنا ما بتدويش
قولولى ايه ذنبه قلبي انه عايز يعيش
لو تدورا بين القلوب على جرح يشبه جرحى انا
مش هتلاقوا ابدا قلب يتحمل جرحى الى اتحملته انا
اه ياقلبي عليك
اه عليك من طول لياليك ومن جرح كبير عايش فيك
من نار وعذاب ايده فيك
اه من حبيب باعك ولاعمره حس بيك
اه من جرح جواك بينزف ودمع في عنيك
صعبان عليا يا قلب حالك
كنت طاير بحبك والفرحه ماليه عنيك
باعك الى حبيته وكنت فاكره شاريك
ياريتك تنساه يا قلبي زى ما نسيك
ياريتك تمسح دموعك وداوي جرحك باديك
متستناش رجوعه دا عمره محس بيك
ياريت تنسى حبه وتحب اللى شاريك
لولا
23 comments:
اول تعليق
المصاصة
هه
ماشى
ياريت تقدر تنساه
وميكونش كلام وخلاص
تحياتى
مدحت
مصاصه وكانز كمان ولا تزعل نفسك
جميلو اوى أسلوبك والأجمل إحساسك يا لولا ولا الأغانى بجد تحفة
بالتوفيق
احساس عالى موت بجد
مش هتكون اخر زياره باذن الله
المره الى جايه هجيب 2 كيلو تفاح من ابو 4 جنيه المرى ده
سلام عليك
اوعاك يا قلبى تبص وراك
دا الدنيا دايما تيجى عليك
بص للحبك ورحله وارتمى
بين احضانه وادفن جروحك بين ضلوعك
دا ياما الجرح بيعلم الامل
لولا بجد تحفه اوى البوست واهو درس الواحد بيتعلمه ان الدنيا مش ثابته امبارح جرح بس بكره امل وفرح والنهارده لازم تعشيه فى انتظار الامل مش للبكا على الى راح
خالص تحياتى ليكى
أهلا لبني أزيك
أحب أسجل أول زيارة لمدونتك أنتي ومدحت
بس تحفة بجد
لذيذة جدا وعجبتني مووت
أما البوست ده فهو لذيذ
إن جيتي للحق أنا ما بحبش أكتب عن الفراق كتير
بس برده البوست لذيذ
> ليه نبكي ليه على اللي راح
كان الأفضل من رأيي تكتفي بليه واحدة
يعني بصي كده
نبكي ليه على اللي راح
أو ليه نبكي على اللي راح
كده أصح في رأيي
أما من حيث البكاء على اللي راح فده أكيد غلط
تبكي بس على نفسك والدموع ليكس لواحدك
أما على اللي راح لأ ما أظنش إن ده صح
أصل ما فيش حاجة هترجع اللي كان
> قوللي أيه ذنبه إنه عايز يعيش
نقف عند دي شوية ....قلبك بس عايز يعيش
فيعيش غلط ...لأ .. يعيش بالوهم ...لأ
هو ده الموضوع بس إنتي عايزة تعيشي
بس لو عايزين نكمل صح يبقى ندأها صح
يبقى يا إما يعجبنا الوهم وأحنا عارفين نهايته
يا إما نمشيها حقيقي
وبعدين إنتي بتلومي الواقع ده ليه
ما تفترقش إحنا الإتنين على إن الواقع ده كان مخليكي سعيدة تمام
> ولا عمره حس بيك
بصي لا زم نغلط ونتجرح علشان نمشيها صح بعد كده
هي دي دنيتها
ودايما دروسها قاسية بس الشاطر اللي يتعلم
> وياريت تنسى حبه وتحب اللي شاريك
البوست هايل
للأمام
تحياتي
محمد علي
احساس عالى بجد ...اية كمية الحيرة والأم دى يالولا..بجد بجد بجد..حزنك نبيل
تعرفى المشكله فين
انى مش هقدر انسى
كتير انجرحت وكتير دمعت وكتير بكيت ودمعى بقه زى الندى لازم كل يوم ينزل بقه زى البحر بيشرب منو كل مجروح انجرح تقبلى منى قصيدتى
ليه بيخدعونا
ساعات بننخدع من اقرب الناس الينا
ساعتها تنزل الدموع من عنينا
نبكى .....نتألم......نشكى
ونقول ااااااااااااااااااه حرام
بنقعد نستنى انسان عزيز علينا
يمسح حتى ولو دمعه نزلت من عنينا
نتمنى حضن حنين
يشفى جروحنا
يداوى جراحنا
يساعدنا اننا نعدى اصعب تجاربنا
نعمل ايه لو الانسان دة مش موجود
او حتى هو الى خدعنا
ساعتها بنبكى ونقول خلاص تعبنا
ليه كل الدنيا كدة بتخدعنا
ونبدا نشكى حزن جوانا
الم بيمزق ضلوعنا
ونبدأ نسال روحنا
ليه بيخدعونا طيب ليه بيوهمونا
ادناهم قلوبنا والبراءة من عيونا
بس هما جرحونا وقلوبنا بيرموها
خلو عنينا تبكى دم بعد ماشيلونا الهم
خلو طريقنا هو ضياع
مش شايفين غير خداع
خلو قلوب بريئه تبقه زى مخالب شيطان
خلو عقول ليل نهار تسال ليه خدعونا
خلونا نحس اننا عايشين فى وسط حيوانات
تاكل فينا تضحك علينا وفى الاخر ترمينا
دايما نسأل ليه من الاول خدعونا
طيب ليه فى الحزن عيشونا
هو احنا عملنالهم حاجه
كل ذنبنا اننا حبيناهم
ووهبناهم قلوبنا وحياتنا
حتى من الحب سقيناهم
وهما دايما بيخدعونا ....
بيجرحونا......
دايما بالشوك بيرمونا...
نرجع نندم ازاى احنا حبيناهم
ازاى من الاول كلمناهم
بس خسارة بيكون فات الاوان
نرجع من الاول نحزن زى زمان
ونرجع نبكى ونشكى ....
ويصبرنا اننا ندعى ...
ونقول يارب .....
حراااااااااااااااااام .....حسبى الله ونعم الوكيل
قمة الالمأن تفتح عيناك يوما
" على واقع لاتريده
أن تتذكر انسانا" عزيزا" رحل بلا عوده
أن تكتشف أن لاأحد حولك سواكـ
أن تقف عند المرآة فلا تتعرف على نفسك
أن تشعر بالظلم وتعجزعن الانتصار لنفسك
أن تبدأ تتنازل عن أشياء تحتاج اليها بأسم الحـــب
بقلم جيلان صالح
عزيزى
هى الحياه دموع وبس
دى دموع وشقا ووجع والم
القلب اللى فى حيرة هو القلب اللى بيدور عن الحقيقه والحق
كل قلب انجرح بيبقا موجوع صدفينى
لاكن علشان قلبك رقيق وبرئ حاسس بالالم قوووى
وزى ما قولتى انسى اللى يجرحك وافتكرى بس اللى يحبك ويدويكى
كلاامك مليان وجع
ربنا يفرجها عليكى وعلى مشاعرك
تحياتى
سلااام
من جديد أعود لمتابعت ما تكتبين
مشاغل الحياه كثيره
أحببت أن القي تحية الصباح
صباحك عطر
أرجو أن أعود مرة أخرى قريبا
محبتي ،،،
دعاء
ربنا يخليكى دا بس من زوقك
صوت من مصر
ميرسي ليك جدا
على الزيارة والتفاح
منورنى
شيماء
منوراتى
وبجد ميرسي اوى على كلامك
وفعلا عندك حق فيه النهارده لازم تعشيه فى انتظار الامل مش للبكا على الى راح
تحياتى ليكى
محمد على
ميرسى جدا على زيارتك وعلى ملاحاظاتك
سعيده جدا بزيارتك
محمد عبد القوى
ميرسي ليك يا محمد
جيلان
كلامك حزين اوى وخلانى دمعت
بجد
بس مهما كان الواقع الى حاصل صعب لازم نتقبله لانه مكتوب علينا نشوفه قبل ما نتولد
ولازم نتحمله ونحاول نداوى القلب الى انجرح وننسى الى جرحه لانه مكنش يستاهل اى حب ادنهوله واى خوف خفناه عليه
تحياتى ليك يا جيلان
احساس لسه حى
ميرس جدا ليك
ويارب يفرح قلوب الناس كلها
ويداوي جروحها
عبد الرحمن فارس
ميرسي ليك
انا كمان والله مش بزور بلوجات كتير النت عندى حالته النفسيه وحشه
كلامك جميل اوى
و احساس حلو
تحياتى
تنسى حبه وتحب اللي شاريك
فعلا هيه دي الخلاصه
احسنتي
شريف طلال
ميرسي يا شريف
ربنا يخليك
وايت هارت
ميرسي ليك
Post a Comment