وحياة كل دقة فيه قالت بحبك
وحياة دموع عنيا وسهر الليالي في بعدي عنك
لانساك وعمري تاني ما احب بعدك
متسالنيش انا ليه هبعد وارضى العذاب لقلبي
اسال نفسك ازاي تنساني ويهون عليها حبي
كانت كل حاجة فيا بتناديك
كانت كل دقة في قلبي جاية منك رايحة ليك
كدة بسهولة هونت عليك
كده بسهوله ضيعت قلبي من بين ايديك
كان حبي ليك غالي عمر ما حد حبه لحد
كان قلبي عندي غالي ويتمناه اي حد
واما شوفتك قلبي مالك
قولت الغالي يا عمري يرخصلك
لاموني كتير على حبي ليك
قالوا كلام كتير عليك
بعدت الدنيا بحالها يا عمري عشان اشتريك
كنت بقول املي فيك
وهو باديك ضيعت حبي ليك
ضيعت املي فيك
دي نتيجة حبي ليك تبعد ويهون قلبي عليك
يا خسارة الليالي اللي قلبي عاشها يحلم بيك
يا خسارة يا غالي ضيعتني من بين اديك
من بعد ما هان قلبي عليك متجيش تقولي ارجعلك تاني
حبيبي يا عمري اه بحبك بس قلبي عندي غالي
وان كنت اساءت في اختيار فاللغطه غلطتي
23 comments:
إللي يجرح عمره ما حب
وإللي بكى داب قلبه من كتر الحب
:)
انا مش عارف دي اغنية وله انتي اللي كاتباه بس بصرف النظر
الاسى ده معناه ان في حب كبير وده معناه ان مينفعش ننسى بس ممكن نتناسا
ونعيش حياتنا بأيامها الحلوة
ركزي على كلمة ايامها الحلوة
BaTresYa
ميرسي على الزيارة
وعندك حق في كلامك
WhItE HeArT
هي فعلا اغنية اناالي كتباها
الواحد ساعات بيصبر نفسة ويقول هنسى بس في الحقيقة مبيقدرش ينسى حتى لو عدت سنين لكن ااول يتناسى ويكمل حياتة
وميرسي على زيارتك
والله مش عارفة اقول لك ايه تقريبا الحب اللى بجد مبقاش موجود فى الزمن ده ؟؟ تحياتى ليكى
على فكرة هو فية بس ياما طرف واحد بيحب قوي وبجد وبكل ما فية والطرف التاني بيقى بالنسبة له حب عابر والسلام
ياما بيكون بين الطرفين ويكون بجد بس دة نادر لما بنلاقية
صديقتى العزيزة لولا
نشكرك على الكلام الرقيق الجميل ده
وياريت بعد اذنك توقعى تحتة
بجد اشكرك اوى على المقطوعة الجميلة
تحياتى
كانت كل حاجة فيا بتناديك
كانت كل دقة في قلبي جاية منك رايحة ليك
اكتر حته عجبتنى
تحياتى
كلماتك عجبتنى قوى
واسلوبك حلو
تحياتى لكى
احمد الصباغ : ميرسي يا احمد وحاضر يا سيدي هوقع بعد كدة على كل كتاباتي
ضد الظلم: ميرسي على الزيارة ويارب ديما اكون عند حسن ظنكم
بوس بوس:ميرسي يا قمر
عزيزتى
الكلام جامد اوى والموضوع حلو بالذات احساسها ان قلبها ده شئ غالى وليه قيمه كبيره ولازم اللى ياخده يستهله
بس زعلنى جمله ولا هنساك ولا عمرى تانى احب بعدك شوفى لو الفراق مش هيكون باقتناع تام وانه مش يستهلك وانك لازم تحبى شخص تانى يقدر مشاعرك
يبقا ملهوش لازمه وهتضعفى بعد كده وترجعليه تانى كمان كان نفسى افهم الفراق ده اسبابه ايه بدل بتحبيه اوووووووووووى كده
بس بجد جوه الكلام مشاعر جميله واحساس حى مليان حب وعزه
انا اعشق المراه اللى عزتها اكبر من حبها
تحياتى يا جميل
سلاااااااااام
احساس لسة حي:اولا ميرسي على الزيارة
ثانيا :جملة هنساك ولاعمري تاني هحب بعدك دي نتيجة انها مش هتعرف تحب حد تاني بعدة لانة كان كل حياتها
وكمان قلبه مهواش لعبة كل واحد هيتسلى بيها شوية ويرمية قلبها غالي اوي اوي هو كان بالنسبة لها اغلى شيء فقدمتله قلبها على صنية دهب بس هو مقدرش قيمةالهدية او يمكن عشان قدر قيمتها سباها عشان هو ميستهلهاش
وفي الحالة التانيةبردة مش هتقدر تحب بعدة
اولا : ازيك يا لولا ويارب تكونى كويسه
وثنايا : الكلام ده على مين
عليكى انتى
لو علقيكى انا عارف انك عقلك ماشي قبل قلبك يعنى هتعرفى تفكرى كويس وتكونى تمام ان شاء الله
وطمنينى عليكى اوك لازم ها
تحياتى لاجمل لولا
برضه
حبوا
وحبوا كتير
ولا يهمكم
بما فيكم انا
عزيزتى
انتى اللى قولتى قلبها قدمته هديه على صنيه من ذهب وهو مقدرش الهديه
المفروض نعمل ايه
نستنى اللى يفهم ويقدر الهديه دى
مش انسان احساسنا خنا فيه وطلع غلط نحرم قلوب تانيا جميله من احساسنا ده
شكرااااااااااا
سلاااااااااام
ياسلام على الكلمات والتعبير والاحساس
ابدااااع اختي والله
جميلة كلماتك
ابدعتنا والله
وفي انتظار جديدك ان شاء الله
كبرى يا بنتى
وقولى ورايا
ننجرح عادى
نتنسى عادى
الألم عادى
والندم عادى
والعزاب عادى
أى حاجة
كل حاجة
عادى
عادى بقة
أودى
لولا
السلام عليكم ورحمة الله وبركاته
عودة حميدة للتدوين مرة أخرى
أتمنى لك دوام الخير والسعادة
وحبيبا صالحا
السلام عليكم ورحمة الله وبركاته
بيسألونى عن معنى كلمة حب أنا قلت إحساس بيدخل كل قلب
وبين قلوب الناس يتبدل الإحساس
فيه ناس بتعشق نفسها وناس تحب الناس
نبدأ بحب كبير نبدأ بحب الله حب العبد الفقير بينه وبين مولاه
يقوم من شوقه يتوضا ويسجد للكريم سجدة
ويبكى على زمن عدّا مدقش بالقلوب إحساس
والحب الثانى لينا حب محمد نبينا اللى حبه فى قلوبنا ومنهجه بيهدينا
لما طيفه ينادينا من أنوار المدينة تسيل دمعة عنينا وده أغلى حب ياناس
والحب اللى ابتدى كله مودة ورضا حب الأم لضناها قبل ميعاد اللقى
شهور تحلم بصورته وتحكى عن غلاوته ومهما بشوقها قلتوا
الحب ده إحساس
ومحبة الأزواج الرحمة والسكن حب وود وسعادة وربيع طول الزمن
إنسانة تحس جرحك عايشة حزنك وفرحك تحبها وتحبك وحبكم إخلاص
والحب اللى فى رحاب المولى يضمنا ياريت نعرف نعيشه ونخاف على بعضنا
الحب لو فى الله محلاه ياناس محلاه ماهوش لمال أو جاه ولا يساويه ماس
من زرع بداخلك هذا الحزن لا يستحق كل ذلك الحب
وتذكري دائما ان لكل جرح الف دواء وللحب الف جرح والف داء
تحياتي
باسم :ميرسي على سؤالك
مصطفى السيد سمير:ماشي يا مصطفى
احساس لسة حي:ميرسي يا حسام على
اهتامك بالبوست وتعليقك للمرة التانية
Free insane\\ l0v3lYGh0sT14
ميرسي دا من ذوقك
اودي:اولا ميرسي على الزيارة
ثانيا لو فضلنا نقول على كل حاجة عادي هنصاب بتبلد في المشاعر
بس تصدق انت عندك حق الجرح والعذاب بقى شيء عادي بس الي مش عادي بقى وبيكون معجزة من المعحزات ان الانسان يعيش من غير ميتعذب
مش عارفة حاسة ان كلامي متناقض
هو المفروض مش كل حاجة نقول عليها عادي بس الجاجة لوبقت شيء عاديوالناس معترفة بكدة بيقبى لازم مقول عليها عادي
فاهم حاجة
اسلام:وعليكم السلام ورحمة الله وبركاتة
الله يسلمك ياا سلام وميرسي على زيارتك
وميرسي على الدعوة الحلوة دي ويارب انت كمان تكون ديما بخير وتعيش حياة سعيدة
ابن عمر: ميرسي على كلامك الجميل
انا حر:بصراحة مش عارفة ارد على الكومنت بتاعك
بجد كلام جميل قوي و باحييكي علي احساسك الرائع سواء كان اغنية او مش اغنية مش فارقة المهم الاحساس وصل
www.romancii.blogspot.com
رومانسي
ميرسي على زيارتك
واحساسك بكلامي شيء يسعدني
Post a Comment