قلبه مبقاش وحيد

عنيها بكت لما حكى لها حكايته الأليمة

عن ليالي السهر وقصة الحب القديمة

عن بنت كانت كل حياته وأصبح ملهاش قيمه

مسح دموع عينيها وابتسم :)

أخيرًا لقى قلب يشاركه الألم!!

قالها نكته ضحكتها مع إنها بايخه وقديمه

خد قلبها النونو على كفوفه

 طبطب عليه وحضنه

وأبدى اعتذاره وندمه انه بكى عنيها الحلوين

وقرر بينه وبين نفسه

 ما يفتحش تاني صناديقه القديمة

يوميها نام مرتاح

وأتمنى بكره لما يقابلها تقبل دعوته ع السيما

لبنى غانم