خايفه اقولك ع اللى في قلبي
تجرح فيا
خايفه اسلم قلبي لهواك
تعلب بيا
خايفه اسهرلك طول لياليا
تعذب فيا
خايفه يوم مافرح معاك
تبكى عنيا
انا قبلك كانت حياتى بحر دموع
ومعاك خايفه قلبي يضيع منى
ويروح من غير رجوع
اوعدنى حبيبي تكون فرحه عمري الى جايه
اوعدنى حبيبي يا عمرى يا كل حاجه ليا
اوعدنى تمسح بايدك دموع عنيا
وتفرحنى ايامى الى جايه
انا خايفه اوىىىىىى خايفه عليا
14 comments:
بصى مش تخافى وعلشان تتعلمى العوم لازم ترمىنفسك فى البحر
تحيـــــاتى
المصـــــــــــــرى
من احب بصدق
نسى الخوف
تحياتى
نصيحة مني .... خافي
الحب نفسه مش يخوف بس اللي يخوف اكتر حاجة
كسرت القلب
تحياتي
كلامك جميل قوي يالولا
بس الي بيحب بجد بيطمن قلب الي بيحبه عشان بيحضنه ويدفيه
فلو خفتي منه يبقي هو مش بيحبك
ويارب متخافيش ابدا
ومتخفيش ع نفسك طول ماقلبه حاضن قلبك
ويلا بقي
بست وشز فور يو
انا مش عاوزة اقولك ..صدقي او ماتصدقيش..
انا يا بنتي من اللي حصل معايا ف يالدنيا دي
بقيت مش بصدق اي حاجة
و لا اي حد ..
مفيش حاجة مضمونة ..
و ماتفتحيش قلبك اوي .. لو تقدري يعني ..
و ربنا يحميكي..
يا رب
و يفرح قلبك .
الخوف احساس فطرى مش عارفة ازاى تيجى اننا اصلا لما بندور على الحب بندور عليه عشان الامان تقوم اول مشاعر تقابلنا الخوف انا نفسى الموضوع ده محيرنى
سلام
أتمنى أن ترتاحي وتتخلصي من مخاوفك ...
المصري
مينفعش ارمى نفسي في البحر وانا اصلا مبعرفش اعوم
بلو ويف
متهيالى الى بيحب بجد خوفه بيزيد اووى على نفسة وعلى حبيبه
انا حر
ماهو اكبر خوف هو خوف ان القلب الى حب اوى ينكسر
نوري
يا حبيبتى الخوف والحب وجهان لعمله واحدة من وجه نظرى مددام في حب اكيد في خوف خوف على وخوف من
شيماء على
ما هو من كتر ما بنشوف ونسمع بنخاف يحصلنا الى حصل ليغرنا
شكرا على الدعوتين الحلوين دول
ربنا يخليكى
كلام وخلاص
والله انا كمان منا عارفه
محمد هشام
ربنا يخليك يا محمد
منورنى بمرورك
Post a Comment